Alfa talassemiyanın 4 kliniki növü vardır ki,bunlarda alfa-zənciri kodlaşdıran genlərin itirilməsindən irəli gəlir:
Alfa talassemiya minima (səssiz alfa talassemiya daşıyıcılığı,-α/αα): qanın ümumi analizində dəyişikliklər müşahidə edilməyə bilər.
Alfa talassemiya minor (ağır talassemiyadaşıyıcılığı,-- /αα və ya ,-α/-α): bu xəstələrdə mülayim dərəcəli anemiya,hipoxromiya,mikrositoz müəyyən edilir.
·HbH xəstəliyi (alfa talassemiya xəstəliyi,--/-α):orta dərəcəli hipoxromik hemolitik anemiya,splenomeqaliya,virus infeksiyaları və bəzi dərmanlar səbəbindən anemik kriz halları müşahidə edilir. Bu xəstələrdə həm də ürək problemləri,öd daşları,aşağı ətraflarda xoralar və fol turşusunun çatışmazlığı da ola bilir.
Hb Bart hiropd fetalis (homoziqot alfa⁰-talassemiya,--/--): ciddi hemolitik anemiya ilə müşahidə edilən bu hemoqlobinopatiya hələ dölün ana bətnində olduğu dövrdə müəyyən edilir.
Bu xəstələrdə alfa – qlobin zəncirlərinin sintezi ümumiyyətlə baş vermir.Kliniki cəhətdən xəstələrdə hidrops və assit müəyyən edilir.
